ბაკაიოკო მილანის დატოვებას დათანხმდა

მილანის ნახევარმცველი ტიემუ ბაკაიოკო როსონერის დატოვებს და კარიერას თურქეთის ჩემპიონატში გააგრძელებს.

ნიკოლო სკირას ინფორმაციით, ადანა დემისპორის მთავარმა მწვრთნელმა ვინჩენცო მონტელამ ფეხბურთელის დარწმუნება მოახერხა და მან თურქეთში ტრანსფერზე თანხმობა განაცხადა.

წყაროს ცნობით, ბაკაიოკო მილანში იჯარას ნაადრევად გაწყვეტს, ჩელსი კი ფეხბურთელთან ხელშეკრულებას ორმხრივი შეთანხმების საფუძველზე გააუქმებს და ის თურქეთში თავისუფალი აგენტის სტატუსით გადაბარგდება.