‘დიდი ჯახები’ სერია ა-ში

მომავალი სეზონი 4 გამორჩეული თამაშით იწყება. ატალანტა 20 სექტემბერს ლაციოს დაუპირისპირდება, 27 სექტემბერს რომა – იუვენტუსის შეხვედრა გველის, ინტერი კი სახლში ფიორენტინას მიიღებს.

რომასთან მატჩის შემდეგ, იუვენტუსი საკუთარ მოედანზე ნაპოლის მიიღებს, ინტერი კი რომში ლაციოს დაუპირისპირდება, ეს მატჩები 4 ოქტომბერს გაიმართება.

პირველი Derby della Madonnina მეოთხე ტურში გაიმართება, მეორედ კი მილანი და ინტერი ერთმანეთს 21 თებერვალს დაუპირისპირდებიან.

მილანური დერბის გარდა, მე-4 ტურში ნაპოლი და ატალანტა შეერკინებიან, 8 ნოემბერს კი იუვენტუსი რომში ლაციოს ესტუმრება.

პირველი ტურინული დერბი 6 დეკემბერს, იუვენტუსის სტადიონზე გაიმართება, მეორე მატჩი კი გუნდებს შორის 3 აპრილს ჩატარდება.

მილანი იუვეს სან სიროზე 6 იანვარს მიიღებს, განმეორებითი მატჩი 9 მაისს გაიმართება, მე-17 ტურში კი რომა სტადიო ოლიმპიკოზე ნერაძურის მიღებს.

მომავალი სეზონის ერთ-ერთი გამორჩეული ჯახი იუვენტუსსა და ინტერს შორის მე-18 ტურში გაიმართება, იმავე ტურში რომაული დერბი იქნება, განმეორებითი მატჩი კი 16 მაისს ჩატარდება.