ინტერი ლაუტაროსთან ახალი კონტრაქტის გაფორმებაზე მუშაობას იწყებს

ლაუტარო მარტინესის ინტერიდან წასვლა ფაქტობრივად გამოირიცხა. ფეხბურთელის აგენტმა ამ თემაზე თავად ისაუბრა და დაადასტურა, რომ არგენტინელი ფეხბურთელი ინტერში რჩება.

Gazzetta dello Sport-ის ინფორმაციით, გუშინ ლაუტაროს აგენტი ინტერის წარმომადგენლებს შეხვდა და ახალ კონტრაქტზე პირველი საუბარი შედგა.

გავრცელებული ინფორმაციით, ახალი კონტრაქტის სანაცვლოდ ინტერი ლაუტაროს ხელფასის გაზრდას 5 მილიონამდე აპირებს, თუმცა ფეხბურთელის წარმომადგენლებს სურთ, რომ 23 წლის ფეხბურთელი ხელფასით რომელუ ლუკაკუს და კრისტიან ერიქსენს გაუთანაბრდეს და სეზონში 7 მილიონი მიიღოს.

მხარეები ერთმანეთს სატრანსფერო ფანჯრის დახურვის შემდეგ შეხვდებიან და საბოლოო შეთანხმების მიღწევას შეეცდებიან.