Calcio

ყველა სიახლე იტალიური ფეხბურთის სამყაროდან

მილანი: რებიჩი და ტონალი თამაშს მოახერხებენ ?

Corriere dello Sport-ის ინფორმაციით, მილანის სამედიცინო შტაბი იმედს არ კარგავს, რომ ანტე რებიჩი და სანდრო ტონალი მატჩში მონაწილეობის მიღებას მოახერხებენ.

როსონერი წლის ბოლო მატჩში 1 პოზიციის დაცვას შეეცდება, თუმცა პიოლის გუნდს მოედანზე გასვლა ძალიან დიდი დანაკლისით მოუწევს. ზლატან იბრაჰიმოვიჩის, სიმონ კიაერის, ისმაელ ბენასერის და მატეო გაბიას თამაში ტრავმების გამო გამორიცხულია, ფრანკ კესის კი დისკვალიფიკაცია აქვს და ასეთი დანაკლისის ფონზე, რებიჩის და ტონალის მზადყოფნა პიოლისთვის შესანიშნავი სიახლე იქნება.

გამოცემის ინფორმაციით, მილანი რებიჩის და ტონალის შესახებ საბოლოო გადაწყვეტილებას დღეს მიიღებს.