მილანმა ოსორიოს ტრანსფერზე წინადადება გააუმჯობესა

ნიკოლო ძანიოლოს ჩაშლილი ტრანსფერის შემდეგ, მილანი შედარებით იაფიან კანდიდატურაზე გადაერთო და ჩილეური უნივერსიდადის დარიო ოსორიოს გაფორმებას ცდილობს.

19 წლის ფეხბურთელმა მიმდინარე სეზონში ჩატარებულ 27 მატჩში 7 გოლი გაიტანა და მისი სახელი გასულ კვირებში არაერთ ევროპულ გუნდს დაუკავშირეს.

MilanNews-ის ცნობით, ლომბარდიულმა გრანდმა პირველადი წინადადება 6 მილიონ ევრომდე გაზარდა და იმედი აქვს, რომ ფეხბურთელის ტრანსფერის დახურვას უახლოეს საათებში შეძლებს.