მილანმა ძანიოლოსთან პირადი კონტრაქტის დეტალები შეათანხმა

მილანი ნიკოლო ძანიოლოს ტრანსფერზე მუშაობას განაგრძობს და იტალიური მედიის ცნობით, როსონერიმ ფეხბურთელთან პირადი კონტრაქტის დეტალები უკვე შეათანხმა.

ნიკოლო სკირას ინფორმაციით, მილანში გადასვლის შემთხვევაში, ნიკოლო როსონერისთან 4-წლიან კონტრაქტს გააფორმებს, მისი წლიური გასამრჯელო კი 3.5 მილიონი ევრო იქნება, რასაც გარკვეული ბონუსები დაემატება.

მოლაპარაკებები გრძელდება გუნდებს შორის. რომა ნიკოლოს სანაცვლოდ მინიმუმ 30 მილიონს ითხოვს, მილანი კი მისი იჯარით გაფორმებაზე მუშაობს, შემდგომში გამოსყიდვის პერსპექტივით, რაც გარკვეული პუნქტების შესრულების შემთხვევაში სავალდებულო გახდება.