მილანს დღეიდან ახალი დირექტორების საბჭო ეყოლება

იტალიური მედიის ინფორმაციით, მილანის ახალი მფლობელი ჯერი კარდინალე დღეს როსონერის დირექტორის ახალ ბორდს წარადგენს, რომელიც გუნდის ხელმძღვანელობას ჩაიბარებს.

MilanNews-ის ინფორმაციით, გუნდის პრეზიდენტის თანამდებობას შეინარჩუნებს პაოლო სკარონი, ასევე ბორდის წევრი იქნება გუნდის ყოფილი მფლობელი კომპანია Elliott Management-ის მფლობელის შვილი გორდონ სინგერი.

შეხვედრას დაესწრება ჯორჯო ფურლანიც, რომელიც დეკემბერში, როდესაც გუნდის გენერალურ დირექტორს ივან გაზიდისს გუნდთან კონტრაქტი ამოეწურება, მის ადგილს დაიკავებს.