პსჟ მატია ძაკანის ტრანსფერით ინტერესდება

ფრანგული წყაროების ცნობით, პსჟ ლაციოს იტალიელი ფეხბურთელის მატია ძაკანის ტრანსფერით ინტერესდება.

ლაციოში გადაბარგების შემდეგ, 27 წლის ვინგერი მაურიციო სარის ერთ-ერთ წამყვან ფეხბურთელად იქცა და სერია ა-ში ჩატარებულ 17 მატჩში 8 გოლის გატანა და 4 საგოლე გადაცემის გაკეთება შეძლო.

L’Equipe-ს ცნობით, პარიზელები მიმდინარე სატრანსფერო ფანჯრის პერიოდში ვინგერის გაფორმებას გეგმავენ და ძაკანი მათი ერთ-ერთი პრიორიტეტული სამიზნეა, მაგრამ რთულად წარმოსადგენია, რომ მაურიციო სარი მისი გუნდის ერთ-ერთი ლიდერის გაშვებას დათანხმდეს.