Calcio

ყველა სიახლე იტალიური ფეხბურთის სამყაროდან

ჩელსის დე ლიხტის ტრანსფერში ფეხბურთელის ჩართვა სურს

იტალიურ მედიაში მატაის დე ლიხტის იუვენტუსიდან წასვლის თაობაზე ცნობები არ წყდება და ერთ-ერთ დაინტერესებულ გუნდად ლონდონის ჩელსი მოიაზრება.

Tuttosport-ის ინფორმაციით, ბიანკონერი დე ლიხტის გაყიდვას მხოლოდ იმ შემთხვევაში განიხილავს, თუ რომელიმე დაინტერესებული მხარე მინიმუმ 100 მილიონ ევროს გადაიხდის, ჩელსი კი ამ თანხის შემცირებას ტრანსფერში რომელიმე ფეხბურთელის ჩართვით ეცდება.

წყაროს ცნობით, ლონდონელები იუვენტუსს ფულთან ერთად ტიმო ვერნერს ან კრისტიან პულიშიჩს შესთავაზებენ, მაგრამ ნაკლებად მოსალოდნელია, რომ ბიანკონერი ამ წინადადებას დათანხმდეს.

გამოცემის ინფორმაციით, ჩელსისა და მანჩესტერ იუნაიტედის შემდეგ, მატაის დე ლიხტის მიმართ ინტერესი მანჩესტერ სიტიმაც დააფიქსირა, თუმცა ქალაქელებს ჯერჯერობით ოფიციალური წინადადება არ გაუკეთებიათ.