Calcio

ყველა სიახლე იტალიური ფეხბურთის სამყაროდან

ცნობილია, რა პირობებს სთავაზობს მილანი სიმაკანს

ფრანგული და იტალიური მედიის ინფორმაციით, მილანმა სტრასბურგის ცენტრალურ მცველთან, მოჰამედ სიმაკანთან პირადი კონტრაქტის დეტალები შეათანხმა.

გუშინ მოგახსენეთ, რომ მილანმა ფრანგულ გუნდს 15-მილიონიანი ოფიციალური წინადადებით მიმართა, თუმცა ჯერჯერობით სტრასბურგის პასუხი უცნობია.

Corriere dello Sport-ის ინფორმაციით, გუნდების შეთანხმების შემთხვევაში 20 წლის ფრანგი ფეხბურთელი მილანთან 5-წლიან კონტრაქტს მოაწერს ხელს და მისი ანაზღაურება სეზონში ბონუსების ჩათვლით 2 მილიონი ევრო იქნება.

ასევე არ შეიძლება შალკეს ოზან კაბაკის დავიწყება, თუმცა გერმანელები მის სანაცვლოდ 20-25 მილიონ ევროს თიხოვენ, რისი გადახდაც მილანს არ სურს.