ბარსელონას ლაუტაროს ფასის დაკლების იმედი აქვს

ბოლო პერიოდში ლაუტარო მარტინესისა და კატალონიის ბარსელონას კავშირზე სულ უფრო და უფრო ცოტა სიახლე ვრცელდება.

Mundo Deportivo-ს მტკიცებით,ეს ესპანელების სტრატეგიაა,რომ არგენტინელი ფეხბურთელი უფრო იაფად ჩაიგდონ ხელში.

ლაუტარო მარტინესის კონტრაქტში არსებული პუნქტი,რომლის მიხედვითაც ყველა მსურველს,ვისაც მისი შეძენა უნდა,111 მილიონი ევროს გადახდა მოუწევს,7 ივლისს კარგავს ძალას და ბარსელონას მფლობელებს იმედი აქვთ,რომ ამის შემდეგ ინტერი 22 წლის ფეხბურთელის ფასს დააკლებს.

თავის მხრივ,ინტერმა უკვე ბევრჯერ განაცხადა,რომ ფეხბურთელის ფასის დაკლებას არც კი განიხილავს და მეტიც,რამდენიმე წყაროს მტკიცებით,7 ივლისის შემდეგ ნერაძური ფეხბურთელის ფასს გაზრდის.

გამოცემის მტკიცებით მხარეები მოლაპარაკებების მაგიდას გამოსასყიდი პუნქტის გასვლის შემდეგ მიუბრუნდებიან.ლაუტარო მარტინესს ესპანელებთან პირადი კონტრაქტის დეტალები უკვე შეთანხმებული აქვს.