განსხვავებული ინფორმაცია დიასის მილანში ტრანსფერთან დაკავშირებით
მილანმა და მადრიდის რეალმა ბრაჰიმ დიასის ტრანსფერი საბოლოოდ შეათანხმეს, თუმცა ესპანეთში და იტალიაში ტრანსფერის სხვადასხვა ფორმულაზე საუბრობენ.
Goal Espana-ს ინფორმაციით, ბრაჰიმ დიასი მილანს 2-წლიანი იჯარით შეუერთდება, მაგრამ როსონერის მისი გამოსყიდვის უფლება არ ექნება და იჯარის ამოწურვის შემდეგ დიასი ბლანკოსის რიგებს დაუბრუნდება.
ჯანლუკა დი მარციოს ინფორმაციით კი, რომელიც ფაბრიციო რომანომაც დაადასტურა, მილანი დიასს 2-წლიანი იჯარით გაიფორმებს, რის სანაცვლოდაც გუნდი 3 მილიონს გადაიხდის და ბრაჰიმის გამოსყიდვა 22 მილიონად შეეძლება, ბლანკოსი კი ფეხბურთელის დაბრუნებას 27 მილიონის გადახდის შემთხვევაში შეძლებს.
დი მარციოს ცნობით, დიასი მილანში შაბათს ჩაფრინდება და დიდი ალბათობით ის 10-ნომრიანი მაისურით იასპარეზებს.