ინტერმა ტოტენჰემის კიდევ ერთი წინადადება დაბლოკა
ტოტენჰემი და ინტერი მილან შკრინიარის ტრანსფერზე მოლაპარაკებებს განაგრძობენ და გამოცემა Tuttosport-ის ინფორმაციით, ნერაძურიმ ტოტენჰემის კიდევ ერთი წინადადება იუარა.
წყაროს მტკიცებით, ტოტენჰემმა ინტერს სხვადასხვა ბონუსებთან ერთად შკრინიარის სანაცვლოდ 40 მილიონი ევრო შესთავაზა, რაზეც უარი მიიღო. მილანელებს ფეხბურთელის გაყიდვით 50-55 მილიონის გამომუშავება სურთ.
Tuttosport-ის აზრით, ინგლისელები ინტერს ახალი წინადადებით უახლოესი საათების განმავლობაში მიმართავენ.