იუვენტუსი და მილანი ისკოს გაფორმებას იანვარში შეეცდებიან

გასული სატრანსფერო ფანჯრის პერიოდში იუვენტუსის და მილანის ინტერესები არაერთხელ გადაიკვეთა და ერთ-ერთი ყველაზე ხმაურიანი სახელი მადრიდის რეალის ნახევარმცველი ისკო იყო.

ისკოს მიმდინარე კონტრაქტი სეზონის ბოლოს ეწურება და მისი გუნდიდან წასვლის შესახებ აქტიურად იწერებოდა, თუმცა გუნდში კარლო ანჩელოტის მისვლის შემდეგ, ესპანელ ფეხბურთელს იმედი გაუჩნდა, რომ ის ძირითადი შემადგენლობის წევრი გახდებოდა, რაც ჯერჯერობით ასე არ მოხდა და ესპანეთში მისი წასვლის შესახებ კვლავ ალაპარაკდნენ.

Todofichajes-ის და Calciomercato-ს ინფორმაციით, 29 წლის ფეხბურთელმა გუნდის დატოვება შესაძლოა ზამთარშივე მოისურვოს, მისი გაფორმების მთავარი კანდიდატები კი იუვენტუსი და მილანი იქნებიან.