მილანმა გაბიას მომავალზე გადაწყვეტილება მიიღო

მატეო გაბია მილანის აკადემიის პროდუქტია და იტალიელმა ფეხბურთელმა თავისი ტალანტის დამსახურებით ძირითად გუნდში გადასვლა მოახერხა, რის შემდეგაც სტეფანო პიოლისგან საკმაოდ ბევრ შანსს იღებდა და თავი კარგად წარმოაჩინა, თუმცა მისდა სამწუხაროდ გაბიამ ტრავმების გამო თავისი პოტენციალის ბოლომდე გამოვლენა ვერ მოახერხა.

მილანი ჩემპიონთა ლიგის წინ შემადგენლობის გაძლიერებისთვის ემზადება და პარალელურად ფეხბურთელების გაყიდვაზე მუშაობს, თუმცა Calciomercato-ს ინფორმაციით, 21 წლის ცენტრალური მცველი მინიმუმ ერთი სეზონი როსონერის რიგებს არ დატოვებს.

წყაროს ცნობით, მალდინი ახალგაზრდა იტალიელის მახასიათებლების დიდი ქომაგია და მას სურს, რომ გაბიას მილანში კიდევ ერთი შანსი მიეცეს.