პედრო რომასთან კონტრაქტს მიმდინარე კვირას გააფორმებს

Corriere di Roma-ს მტკიცებით, პედრო როდრიგესი ჯალოროსისთან კონტრაქტს მიმდინარე კვირაში გააფორმებს, გუნდს კი ტრავმის მოშუშების შემდეგ, ერთ თვეში შეუერთდება.

ჩელსის ყოფილი ფეხბურთელი გუნდთან 2-წლიან კონტრაქტს გააფორმებს და სეზონში ხელფასის სახით 3 მილიონ ევროს მიიღებს.

ესპანელი ფეხბურთელი, რომელიც რომას ჩელსიდან თავისუფალი აგენტის სტატუსით შეუერთდა, FA Cup-ზე მიღებული ტრავმის შემდეგ სარეაბილიტაციო კურსს გადის და როგორც უკვე მოგახსენეთ, მოედანს დაახლოებით ერთ თვეში დაუბრუნდება.