ბოლო ინფორმაცია ოსიმენის ტრავმასთან დაკავშირებით…

ნაპოლის ფორვარდი ვიქტორ ოსიმენი ნიგერიაში სარეაბილიტაციო პროცესს განაგრძობს და მისი დაბრუნება უახლოეს მატჩებში არ იგეგმება.

Sky Sport-ის ცნობით, ოსიმენი ჯერჯერობით მოედანზე ვარჯიშს ვერ ახერხებს და ძირითადად დარბაზში მუშაობს, ამიტომ მის სარეაბილიტაციო პროცესს კიდევ რამდენიმე კვირა დასჭირდება.

გამოცემის ინფორმაციით, ნიგერიელი ფორვარდი, რომელმაც ნაპოლიში გადასვლის შემდეგ ტრავმების გამო უკვე 55 მატჩი გამოტოვა, სანაკრებო პაუზის შემდეგ დაბრუნდება.