ჩელსი ოსიმენის ტრანსფერში ლუკაკუს ჩართვას ცდილობს

ჩელსი ნაპოლის ფორვარდის ვიქტორ ოსიმენის ტრანსფერზე მუშაობას აგრძელებს და ლონდონელები ნიგერიელი ფეხბურთელის ფასის შესამცირებლად რომელუ ლუკაკუს გამოყენებას ცდილობენ.

SportItalia-ს ცნობით, ჩელსი მზად არის, ნაპოლის ოსიმენის სანაცვლოდ 90 მილიონი ევრო და რომელუ ლუკაკუ შესთავაზოს, რომელიც დაახლოებით 30 მილიონ ევროდ არის შეფასებული.

გამოცემის ინფორმაციით, თავად ფეხბურთელი ჩელსიში გადასვლის წინააღმდეგი არ არის, რადგან მისი პრიორიტეტი პრემიერ ლიგაში თამაშია და პსჟ-ს ვარიანტს ჯერჯერობით არ განიხილავს.