დი მარია იუვენტუსში რჩება

იტალიური მედიის ინფორმაციით, ანხელ დი მარიამ იუვენტუსში დარჩენის გადაწყვეტილება მიიღო.

ვეტერანი ფეხბურთელის მიმდინარე კონტრაქტი ტურინულ გრანდთან სეზონის ბოლოს იწურება და ბიანკონერის მასთან ხელშეკრულების კიდევ 1 წლით გახანგრძლივება სურს.

Tuttosport-ის ინფორმაციით, დი მარიამ იუვეში დარჩენის სურვილი გამოთქვა იმის მიუხედავად, მოხვდება თუ არა ბიანკონერი მომდევნო სეზონში ჩემპიონთა ლიგის გათამაშებაში.