ინტერი აუგუსტოს ტრანსფერში სენსის ჩართვას გეგმავს
ინტერი მონცას ფლანგის მცველის კარლოს აუგუსტოს მიმართ ინტერესს არ კარგავს და მისი ფასის შესამცირებლად სტეფანო სენსის გამოყენებას გეგმავს.
24 წლის ბრაზილიელმა ფეხბურთელმა მონცას რიგებში შესანიშნავი სეზონი ჩაატარა და არაერთი გრანდის, მათ შორის ინტერის ინტერესი დაიმსახურა.
მონცა აუგუსტოს, რომელსაც ნერაძური რობინ გოსენსის პოტენციურ შემცვლელად მიიჩნევს, 20 მილიონ ევროდ აფასებს, ბენეამატა კი ამ ფასის შემცირებას ტრანსფერში სტეფანო სენსის ჩართვით ეცდება, რომელმაც გასული სეზონი იჯარის წესით სწორედ მონცაში გაატარა.