ლაციო ინსინიეს მიმართ ინტერესს არ კარგავს

იტალიური მედიის ინფორმაციით, ლაციო ტორონტოს ფეხბურთელის ლორენცო ინსინიეს მიმართ ინტერესს არ კარგავს და მის გაფორმებას იანვარში ეცდება.

ნაპოლის ყოფილი კაპიტანის კარიერა MLS-ში არც თუ ისე კარგად მიდის და Corriere dello Sport-ის ინფორმაციით, ლორენცოს სერია ა-ში დაბრუნება სურს.

წყაროს ცნობით, ლაციო ინსინიეს გაფორმების წინააღმდეგი არ არის, თუმცა სანაცვლოდ მას წლიური გასამრჯელოს – 7 მილიონი ევროს საგრძნობლად შემცირება მოუწევს.