მილანი და ნაპოლი სელტას ტრანსფერისთვის იბრძოლებენ

იტალიური მედიის ცნობით, მილანი და ნაპოლი სელტას ნახევარმცველის გაბრი ვეიგას ტრანსფერით ინტერესდებიან.

20 წლის ესპანელ ფეხბურთელს მიმდინარე სეზონში ლა ლიგის 24 მატჩში 8 გოლი და 3 საგოლე გადაცემა დაუგროვდა, რამაც მის მიმართ ინტერესი საგრძნობლად გაზარდა.

გავლენიანი გამოცემა ESPN-ის ინფორმაციით, ახალგაზრდა ტალანტის კონტრაქტში არსებული პუნქტის მიხედვით, მისი გამოსყიდვა ნებისმიერ დაინტერესებულ მხარეს ზაფხულში 40 მილიონი ევროს სანაცვლოდ შეეძლება.

წყაროს ცნობით, იტალიურ გრანდებს კონკურენციას ლივერპული, მანჩესტერ იუნაიტედი და ნიუკასლი გაუწევენ.