მილანი მორატას კანდიდატურას არ ივიწყებს…

ზაფხულის სატრანსფერო ფანჯრის პერიოდში მილანი მინიმუმ ერთი ფორვარდის გაფორმებას გეგმავს და იტალიური გრანდის ხელმძღვანელობას პოტენციური კადრების შერჩევა უკვე დაწყებული აქვს.

იტალიური გამოცემა La Repubblica-ს ინფორმაციით, მილანის ერთ-ერთი სამიზნე ატლეტიკოს ფორვარდი ალვარო მორატა იქნება, რომელსაც როგორც სერია ა-ში, ასევე ევროპულ ტურნირებზე თამაშის დიდი გამოცდილება აქვს და მისი გაფორმება საკმაოდ ხელსაყრელ ფასად იქნება შესაძლებელი.

30 წლის ესპანელის მიმდინარე კონტრაქტი მადრიდელებთან 2024 წლის ზაფხულში იწურება და როსონერის ფეხბურთელის გაფორმება 20-25 მილიონი ევროს სანაცვლოდ შეეძლება.