ნაპოლი პოლიტანოს კონტრაქტის გახანგრძლივებას ოფიციალურად უახლოეს პერიოდში დაადასტურებს

იტალიური მედიის ინფორმაციით, ნაპოლი და მატეო პოლიტანო ახალი კონტრაქტის დეტალებზე უკვე შეთანხმდნენ და ფეხბურთელი გუნდთან ხელშეკრულებას უახლოეს პერიოდში გააფორმებს.

Il Mattino-ს ცნობით, მხარეებს შორის შეხვედრა სანაკრებო პაუზის დროს არის დაგეგმილი, რომელზეც პოლიტანო ნაპოლისთან კონტრაქტს 2026 წლის ზაფხულამდე გააფორმებს, მისი კიდევ 1 სეზონით გაგრძელების პერსპექტივით.

წყაროს ინფორმაციით, პოლიტანოს წლიური გასამრჯელო ახალი კონტრაქტის მიხედვით 3.5 მილიონი ევრო იქნება.