ოსიმენმა სრული დატვირთვით ვარჯიში განაახლა და ატალანტასთან მატჩისთვის მზად იქნება

ნაპოლის ლაზარეთიდან ტრავმირებული ვიქტორ ოსიმენი უბრუნდება, რომელიც სერია ა-ს მომდევნო ტურისთვის გუნდის განკარგულებაში იქნება.

Il Mattino-ს ცნობით, ნიგერიელმა ფეხბურთელმა სრული დატვირთვით ვარჯიში განაახლა და ატალანტასთან შეხვედრაში ნაპოლის განაცხადში მოხვდება, თუმცა ნაკლებად მოსალოდნელია, რომ 24 წლის ფეხბურთელი სასტარტო შემადგენლობაში ვიხილოთ.

ოსიმენი პარტენოპეის ძირითადში დიდი ალბათობით ჩემპიონთა ლიგის მატჩში იქნება, რომელსაც ნაპოლი რეალის წინააღმდეგ გამართავს.