სმოლინგი რომას 2023 წელს ვეღარ დაეხმარება…

რომას უკანახაზელის კრის სმოლინგის რთული პერიოდი ტრავმების გამო გრძელდება და დიდი ალბათობით ინგლისელი გუნდს მიმდინარე წელს ვეღარ დაეხმარება.

33 წლის ფეხბურთელმა ბოლოს 1 სექტემბერს ითამაშა, მას შემდეგ კი მყესის ანთების გამო გუნდის დახმარებას ვერ ახერხებს და უკვე 13 მატჩის გამოტოვება მოუხდა.

Il Tempo-ს ინფორმაციით, სმოლინგის სიტუაცია ჯერჯერობით არ უმჯობესდება და რთულად წარმოსადგენია, რომ მან წლის ბოლომდე მოედანზე დაბრუნება შეძლოს.