ზირკზეეს ტრანსფერისთვის ბრძოლაში იუვენტუსი დაწინაურდა
იტალიური მედიის ინფორმაციით, ბოლონიას ფორვარდის ჯოშუა ზირკზეეს ტრანსფერისთვის ბრძოლაში იუვენტუსი დაწინაურდა.
SportMediaset-ის ინფორმაციით, ტიაგო მოტას იუვენტუსში მისვლა ნიდერლანდელი ფორვარდის მომავალთან დაკავშირებით უდიდეს გავლენას იქონიებს.
ახალგაზრდა ფეხბურთელს იტალო-ბრაზილიელ მწვრთნელთან მუშაობის გაგრძელება უნდა და მისი გაფორმების წინააღმდეგი არც ბიანკონერი გახლავთ, თუმცა ამისთვის მათ პირველ რიგში მოიზე კინის გაყიდვა მოუწევთ.