ლოფტუს-ჩიკი ვერც პსჟ-ს წინააღმდეგ ითამაშებს…
იუვენტუსთან მარცხის შემდეგ, მილანი ჩემპიონთა ლიგაზე პსჟ-სთან მატჩისთვის მზადებას შეუდგა.
ლომბარდიული გრანდის განკარგულებაში ბრუნდებიან ტეო ერნანდესი და მაიკ მენიო, რომლებმაც სერია ა-ს გასული ტური დისკვალიფიკაციის გამო გამოტოვეს, თუმცა სტეფანო პიოლის კვლავ რუბენ ლოფტუს-ჩიკის გარეშე მოუწევს ფონს გასვლა.
MilanNews-ის ცნობით, ინგლისელი ფეხბურთელი კვლავ გუნდისგან განცალკევებით ვარჯიშობს და ის პარიზელთა წინააღმდეგ სტეფანო პიოლის განკარგულებაში არ იქნება.
