ბრემერი მანჩესტერში ტრანსფერს სკეპტიკურად უყურებს

მანჩესტერ იუნაიტედი იუვენტუსის მცველის გლეისონ ბრემერის ტრანსფერზე მუშაობას აგრძელებს, მაგრამ თავად ბრაზილიელი ჯერჯერობით წითელი ეშმაკების წინადადების მიღებას არ აპირებს.

TuttoJuve-ს ინფორმაციით, ბრაზილიელ მცველს მომდევნო სეზონში ჩემპიონთა ლიგაზე თამაში სურს, წითელი ეშმაკები კი ამ მომენტისთვის 53 ქულით პრემიერ ლიგის მე-6 პოზიციას იკავებენ და მე-4 ადგილზე მყოფ ასტონ ვილას 13 ქულით ჩამორჩებიან.

წყაროს ცნობით, ბრემერი იუვენტუსში თავს კომფორტულად გრძნობს და თუ ტურინელებმა მისი გაყიდვა თავად არ მოისურვეს, ის ბიანკონერის რიგებში დარჩენის წინააღმდეგი არ არის.